સાંપ્રત સમયમાં ટામેટાં સહિત વિવધ શાકભાજીઓના ભાવો ટોચની સપાટીને આંબી ગયા છે ત્યારે ઓર્ગેનિક કિચન ગાર્ડનિંગના કોન્સેપ્ટને ફરીથી વિચારવાનો સમય આવી ગયો છે. માત્ર જરૂર છે થોડો સમય ફાળવવાની. પોતાના ઘરે ઓર્ગેનિક કિચન ગાર્ડન ઊભું કરીને તમે પણ ઢગલે-ઢગલા ફ્રેશ વેજીટેબલ્સ અને ફ્રુટ્સ નું ઉત્પાદન કરી શકો છો અને તમારા પરિવારનું આરોગ્ય સાચવી શકો છો.
આજે રોજેરોજ જથ્થાબંધ વિવિધ શાકભાજ માર્કેટમાં ઠલવાય છે.પરંતુ શું આ શાકભાજીઓ સ્વાસ્થ્ય માટે લાભદાયી છે? મારો જવાબ છે. "ના" કારણકે આ તમામ શાકભાજીઓમાં ભરપૂર માત્રામાં રાસાયણિક ખાતર અને ઝેરી જંતુનાશક દવાઓનો છંટકાવ કરવામાં આવે છે.જે આરોગ્ય માટે ખુબ જ હાનિકારક સાબિત થઈ રહ્યું છે.
હૃદયરોગ,કેન્સર,ડાયાબિટીસ વગેરે જેવા ગંભીર રોગો થવાનાં અનેક કારણો માંથી રસાયણ યુક્ત શાકભાજીઓ સૌથી મોટું કારણ છે.અને તેમ છતાં એ આરોગવામાં આપણે જરાપણ હિચકિચાહટ અનુભવતા નથી. એનું મખ્ય કારણ એ છે કે, આપણે આપણું પોતાનું કિચન ગાર્ડન બનાવવા માગતાં નથી. એનાં માટે સમય ફાળવવા માગતાં નથી.જો તમે ઓર્ગેનિક કિચન બનાવવા માગતાં હો તો આ બ્લોગ તમારા માટે જ છે.આ રહી એ માટેની કેટલીક ટીપ્સ...
(1) ઓર્ગેનિક કિચન ગાર્ડનિંગ માટે ઘરનાં કમ્પાઉન્ડની જમીનનો
ઉપયોગ કરી શકાય.
(2) જો જમીન ન હોય તો તમે ઘરનાં ટેરેસ પર પણ કુંડાઓ લાવીને સરસ મઝાનું કિચન ગાર્ડન બનાવી શકો છો.
(3) કિચન ગાર્ડનમાં તમે ફ્લાવર, કોબી, બ્રોકલી,પાલક,મેથી, કોથમીર જેવી પાંદડાઓ વાળી શાકભાજીઓ આસાનીથી ગ્રો કરી શકો છો.
(4) એજ રીતે દૂધી, કારેલાં,ગલકાં,તુરીયા,ચોળી,તુવેર, પાપડી વગેરે જેવી વેલા વાળી શાકભાજીઓ પણ ઉગાડી શકો છો.
(5) ઓર્ગેનિક કિચન ગાર્ડનમાં તમે ટામેટાં,રીંગણ,મરચાં ગાજર, મૂળા,બીટ,કાકડી જેવી શાકભાજીઓ પણ ઉગાડી શકો છો.
(6) ઓર્ગેનિક શાકભાજીઓ ઉગાડવા માટે સૌપ્રથમ યોગ્ય રીતે માટી તૈયાર કરવી પડે છે.એ માટીમાં વર્મી કમ્પોસ્ટ,કોકોપીટ જેવા પ્રાકૃતિક ખાતરનો જ ઉપયોગ કરવાનો છે. યુરિયા સલ્ફેટ જેવા રાસાયણિક ખાતરનો જરા પણ ઉપયોગ કરવાનો નથી.
(7) વેજીટેબલ્સને કુદરતી રીતે ગ્રો કરવા દેવા,પ્રાકૃતિક રીતે ઉગેલા શાકભાજી વધુ ગુણકારી હોય છે.
(8) યોગ્ય માત્રામાં દરેક છોડને પાણી મળી રહે તેની તકેદારી રાખવી.
(9) સૂર્ય પ્રકાશ પુરતા પ્રમાણમાં રીતે મળી રહે તેનું વિશેષ ધ્યાન રાખવું.જો જંતનાશકની જરૂર પડે તો ઓર્ગેનિક પ્રોડક્ટનો જ ઉપયોગ કરવો.
જો આ રીતે થોડીક મહેનત કરીને તમે પણ મનપસંદ ઓર્ગેનિક કિચન ગાર્ડન ઘરે જ તૈયાર કરી શકો છો.
Comments
Post a Comment